Über mich...
Mei Leb´m seit dem 9. Aprui 1955
( Karsamstag umra halb elf, wias grad gschnim hod)
Ois i damois auf d´Welt kemma bin, hod mei Vater zwoa moi schaun müssen, wia er mi g´seng hod. Beim zwoat´n moi schaun hod er´s kennt, dass i a Bua bin, weil i blaue Strümpf o g´habt hob. D´Verwandtschaft hod g´moant, i segat eahm scho narrisch gleich, weil mia d´Hoor und d´Zähn obganga han.
G´freid hods mi, dass i in a katholischen und zugleich musikalischen Familie aufg´wachsen bin. Mei Schwester is bei da Geburt glei "Flötn" ganga und da Bruada "brummt" wia a Bär. Da Vater war de meiste Zeit in "Sing-Sing", weil er an so stark´n Glauben g´habt hod. Er hod nämlich an Nachbarn sein Gemüsegarten samt de Erdäpfel obglaubt. Do hod da Nachbar oiwei g´schimpft: "Ja wos "glaubst" denn Du ?!" Do hod der ned amoi sei Gmias kennt!! Und mei Mam war so katholisch, dass sogar de Nähmaschin vo "Pfaff" war! A da BH war so ei´gschdoit. Wenn´s den auf´gmacht hod, san glei zwoa auf d´Knie g´foin.De meiste Zeit hob i vo meine Eltern Fotz´n griagt, aber meine Spetzln warn do scho ärmer ois i, de ham ned amoi de griagt!Mit den Jahren bin i so groß worn, dass i in d´Schui hob geh miaß´n. Da Lehrer hod glei g´moant, i soi mei Schuitüt´n wegleng (wahrscheinli wuit er meine ganz´n Guatl). Da hob i drauf g´sagt: Des iss ned wert, i hoit mi ned so lang!". Ab dem Dog hod er mi nimma so mögen, als wie de andern. D´Mam hod mi glei am dritten Dog g´fragt, ob i was o´gschdoit hob (De Frag war berechtigt, weil sie mi ja vo kloa auf scho kennt hod). Drauf hod´s als Antwort griagt: "Wos kunn i scho oschdoin, wenn i ab da zwoatn Stund´ im Eggal steh muaß!" Am Jahresende , wias Zeugnis gem hod, war mei Lehrer wieda freundlich zu mir. Da hod er mir an Arm ummag´legt und g´sagt: "Gell, mia zwoa bleim no a Jahr beinand!" Dahoam hams mi immer glei noch dem Zeugnis g´frogt. Da hab i zu mein Bap g´sogt: "Du Bap bleib sitz´n, i bin's a blim!" Drauf sogt er glatt: "Jetz zoag sofort dei Zeugnis her!" Da hob i eahm sag´n müssen, dass i des momentan ned hob, weil i des dem Bäda geliehen hob, der mecht nämlich sein Vater daschregga!
Für unsere nicht bayerischen Freunde --- bitte hier klicken!
zu meiner Person:
Verheirat:
Scho lang g´nua ... und des mit meiner Frau!
Kinder:
Oan Buam - mehra hods domois ned glien* ! (* mehr konnten wir uns nicht leisten)
Hobbys:
Ois wos mit Bayern zum doa hod, z.B. Schützenverein, Theaterverein, Stockschießen, Schafkopfen, Gaudi hom, zünftige Leid um mi und Menschen eine Freude machen.